تبادل
لینک هوشمند
دووندن بوی آتیب، کمچی یه یئتدیم
گرگری، مئولی تک توپراغیم ائتدیم
الیله اکیلدیم ، الیله بیتدیم
آنامی یادیما سالیر او داغلار
دؤشونده اوزانیب، دووزونده یاتدیم
عشقینده واریملا یوخومو ساتدیم
باشیمدان ائلیمین هاواسین آتدیم
ایندی یاد هاواسین چالیر اوداغلار
اوره گیم باشیندا اوچار سئویندی
اونونلا گووه نیش آتینا میندی
گولونه وورولدو، آمما باخ! ایندی
سئوگیمی الیمدن آلیر او داغلار
سویوندان ایچه رک، دورولدو کؤنلوم
نازلی بیر گولونه، وورولدو کؤنلوم
تیکانلار الیله ، قیریلدی کؤنلوم
داشلاردان قانینی یالیر اوداغلار
اوره گی دولاندا کده رله دولدوم
سئوینجیم اولاندا اونونلا بؤلدوم
اونونلا دوغولوب، اونونلا اؤلدوم
کیمله ره گؤره سن قالیر او داغلار
ایللرجه سئومیشم دره سین، دوزون
هر یئرده یایمیشام دیللره سؤزون
اؤیموشم دوداغین، یاناغین، گؤزون
سئوگیمی توپراغا جالیر او داغلار
علی اکبر کریمی
نظرات شما عزیزان:
کمچی یه یئتدیم
آنامی یادیما
اؤیموشم
پاسخ:سلام عموغلی ساغ اول کی اشکاللاری دئدین.اولاری کی بویورموشدون اصلاح ایله دیم.گنه ده نظرلریزی گؤزلوره م.
کمچی یه یئتدیم
آنامی یادیما
اؤیموشم
سنده ساغ اول کیشی یاشا لطفوزده ن تشکور ائدیرم.بو وبلاگین یاخجیلاشماسینا و آرتخ مفید اولماسینا خاطیر ،سیز عزیزلرین کمگینه احتیاجیمیز وار.انشاالله کی الیمیزدن توتاجاخسیز.
